Məhsul haqqında : Soblux parlaq boya alkid bağlayıcı tərkibli, yüksək keyfiyyətli parlaq boyadır.

Xüsusiyyətləri : Parlaq boya keyfiyyətli, səthi örtmə gücü tam və parlaq boyadır. İstifadəsi asandır. Səthə yayılmağı mükəmməldir və fırçanın izini saxlamaz. Zaman keçdikcə saralmaz, çatlamaz və tökülməz. Kimyəvi və fiziki təsirlərə qarşı müqaviməti yüksəkdir.

İstifadə sahələri :  Binaların daxili və xarici hissələrində, taxta, metal kimi səthlərdə, kənd təsərrüfatı vasitələrində, quru və dəniz nəqliyyatında, mebellərdə uyğun astarlar ilə inamla istifadə olunur.

Tətbiqi : Soblux Parlaq boya istifadə ediləcək səthlər yapışmağı əngəlləyən köhnə boya qalıqlarından, yağ, kir və pasdan tamamilə təmizlənməlidir. Metal səthlər isə təmizlənib Antipas ilə astarlandıqdan sonra Soblux istifadə edilir. Soblux parlaq boya fırça və rulo ilə tətbiq olunduqda  15-20 %, boya püskürdücü ilə tətbiq olunduqda isə  20-25 % nisbətində Sin-tiner ilə incəldilməlidir. Yaxşıca qarışdırılmalı və iki qat olaraq istifadə edilməlidir. Qatlar arası gözləmə müddəti mühit temperaturundan asılı olaraq 6-8 saatdır.

Sərfiyyat : 1 kq  Soblux Parlaq boya ilə tək qat halda səthə  bağlı olaraq 12-15 m² sahəyə boya vurula bilər.

Saxlama müddəti : Birbaşa günəş işığı düşməyən  5-35°C-lik mühitdə, açılmamış orijinal qablarında 3 il saxlana bilər. Aşırı isti və nəmdən qorunmalıdır. 

Təhlükəsizlik şərtləri : 

S 2         : Uşaqların əli çatdığı yerlərdən uzaq tutun.

S 3/7/9   : Qutunu bağlı halda, sərin və yaxşı havalandırılan yerlərdə mühafizə edin.

S 24/25  : Göz və dəri ilə təmasdan qoruyun.

S 29       : Kanalizasiyaya atmayın.

S 46       : Udulduğu halda dərhal həkimə müraciət edin, qabı və ya etiketi göstərin.

S 51       : Yalnız yaxşı havalandırılan yerlərdə istifadə edin.

Qeyd : Məhsulların istifadə və saxlanma təlimatına əməl olunmadığı təqdirdə, istehsalçı şirkət ortaya çıxan qüsur və nəticələrə görə məsuliyyət daşımır !